feature: Sutturu jatra mahotsava

ಜನಮನ ಸೆಳೆಯುವ ಸೊಬಗಿನ ಜಾತ್ರೆ
ಜನವರಿಯಲ್ಲಿ ಆರು ದಿನ ಜರಗುವ ಸುತ್ತೂರು ಜಾತ್ರೆ ಸಾಂಸ್ಕೃತಿಕ, ಐತಿಹಾಸಿಕ, ಜನಪದದ ಹಲವಾರು ಚಿತ್ರಣವನ್ನು ಕೊಡುತ್ತದೆ.

ಜಾತ್ರೆ ಎಂದ ತಕ್ಷಣ ನಮ್ಮೆಲ್ಲರ ಚಿತ್ರಣಕ್ಕೆ ಬರುವುದೇ ತೇರು , ಜನ ಜಂಗುಳಿ, ವಸ್ತು ಮಳಿಗೆ,ತಿಂಡಿ ಅಂಗಡಿ, ಪುಸ್ತಕಗಳ ಮಳಿಗೆ, ಹೀಗೆ ಹೆಚ್ಚು ಹಲವು ದೇಸಿಯ ಚಿತ್ರಣ ಮೂಡುತ್ತದೆ. ಅಯಾ ದೇಗುಲಗಳ ಪುರಾತನ ಪರಂಪರೆಯಿಂದ ನಡೆದು ಬಂದ ಸಂಪ್ರದಾಯದ ಪ್ರಕಾರ ಹಲವಾರು ಜಾಗಗಳಲ್ಲಿ, ಹಲವಾರು ಊರು . ಹಳ್ಳಿಗಳಲ್ಲಿ ಜಾತ್ರೆಯು ನಡೆದು ಬಂದಿರುತ್ತದೆ.
ಇದಕ್ಕೆ ಸುತ್ತೂರು ಮಠ ಓಂದು ನಿದರ್ಶನವಾಗಿ ನಿಂತಿದೆ. ನಂಜನಗೂಡು ತಾಲೂಕು ಮೈಸೂರು ಜಿಲ್ಲೆಯ ಕಪಿಲಾನದಿ ತೀರದಲ್ಲಿರುವ ಸತ್ತೂರು ಎಂಬ ಹಳ್ಳಿಯಲ್ಲಿ ಮಠದ ಸ್ಥಾಪನೆಯಾಗಿದೆ. ಸುತ್ತೂರು ಶ್ರೀಕ್ಷೇತ್ರವನ್ನು ಆದಿಜಗದ್ಗುರು ಶ್ರೀ ಶಿವರಾತ್ರೀಶ್ವರ ಶಿವಯೋಗಿಗಳು ತಮ್ಮ ತಪಸ್ಸಿದ್ಧಿಯಿಂದ ೧೯೫೪ರಲ್ಲಿ ನೆಲೆಗೊಳಿಸಿದರು.
ಈ ಕ್ಷೇತ್ರದಲ್ಲಿ ಪ್ರತೀ ವರ್ಷವೂ ಜಾತ್ರೆನಡೆಯುತ್ತದೆ.೫೦ ರಿಂದ ೬೦ವರ್ಷಗಳಿಂದ ನಡೆದು ಬಂದಿರುವ ಶ್ರೀ ಶಿವರಾತ್ರೀಶ್ವರ ಶಿವಯೋಗಿಗಳವರ ಜಾತ್ರಾ ಮಹೋತ್ಸವವು ಜನವರಿ ತಿಂಗಳಲ್ಲಿ ಬಹಳ ವಿಜ್ರಂಭಣೆಯಿಂದ ನಡೆಯುತ್ತದೆ. ಪ್ರತೀ ವರ್ಷ ಪುಷ್ಯ ಬಹುಳ ದ್ವಾದಶಿಯಂದು ಪ್ರಾರಂಭವಾಗುತ್ತದೆ.  ಜನವರಿಯಲ್ಲಿ,ಆರು ದಿನ ಜರುಗುವ ಈ ಜಾತ್ರೆಯು ಜನಪದ, ಸಾಂಸ್ಕೃತಿಕ, ಐತಿಹಾಸಿಕದ ಹಲವಾರು ವಿಚಾರಗಳ ಚಿತ್ರಣವನ್ನು ಕೋಡುತ್ತದೆ.ವಿವಿಧ ಶೈಲಿಯ ಜಾನಪದ ಪ್ರಕಾರಗಳನ್ನು ಮತ್ತು ಸೋಗಡನ್ನು ಇಲ್ಲಿನ ಜಾತ್ರೆಯಲ್ಲಿ ವಿಶೇಷವಾಗಿ ಪ್ರದರ್ಶಿಸಿರುತ್ತಾರೆ. ಆರು ದಿನದ ಜಾತ್ರೆಯಲ್ಲಿಪ್ರತೀ ದಿನ ಪ್ರತ್ಯೇಕವಾದ ಮತ್ತು ವಿಶೇಷವಾದ ಕಾರ್ಯಕ್ರಮಗಳನ್ನು ಆಯೋಜಿಸಿರಲಾಗುತ್ತದೆ. ಮೋದಲನೇ ದಿನ ಇಡೀ ಜಾತ್ರೆಯ ಆರಂಭೋತ್ಸವ ನಡೆಯುತ್ತದೆ.ಎರಡನೇ ದಿನ ರಾಜ್ಯ ಮಟ್ಟದ ಭಜನಾ ಮೇಳ, ಹಾಗು ದೇಸಿ ಆಟಗಳ ಸ್ಪರ್ಧೆಗಳು ನಡೆದರೆ ,  ಸಾಮೂಹಿಕ ಮದುವೆ ಕೂಡ ನಡೆಯುತ್ತದೆ ಹಲವಾರು ಬಡ ಕುಟುಂಬದ ವಧು,ವರರಿಗೆ ಸಾಮೂಹಿಕವಾಗಿ ಲಗ್ನ ನಡೆಯುತ್ತದೆ. ಸುಮಾರು ೧೦೦ರಿಂದ ೨೦೦ ದಂಪತಿಗಳು ತಮ್ಮ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಾರೆ. ಅದೂ ಅಲ್ಲದೆ ಪ್ರತೀ ತಿಂಗಳು ೧೦೦ ದಂಪತಿಗಳಿಗೆ ಸಾಮೂಹಿಕ ವಿವಾಹ ಕಾರ್ಯಕ್ರಮವನ್ನು ತಪ್ಪದೇ ನಡೆಸಿಕೊಡುತ್ತಾರೆ.ಮೂರನೇ ದಿನ ಮುಖ್ಯವಾದ ರಥೋತ್ಸವ ನಡೆಯುತ್ತದೆ ಮತ್ತು ದನಗಳ ಜಾತ್ರೆ ಕೂಡ ಆ ದಿನದ ವಿಶೇಷಗಳಲ್ಲಿ ಒಂದು,ಇನ್ನು ನಾಲ್ಕನೇದಿನ ಸಿರಿವಂತ ಆಹಾರ- ಸಿರಿ ಧಾನ್ಯಗಳು , ಕೃಷಿ ವಿಚಾರಸಂಕಿರಣ , ಐದನೆಯ ದಿನ ಭಜನ ಮೇಳ, ಕುಸ್ತಿ ಪಂದ್ಯಾವಳಿ ಇರುತ್ತದೆ. ಅಂತಿಮ ದಿನದಂದು ಜಾತ್ರೆಯ ಸಮಾರೋಪ ನಡೆಯುತ್ತದೆ.
ಜಾತ್ರೆಯಲ್ಲಿ ಕೃಷಿ ಮೇಳ, ಆಹಾರ ಮೇಳ, ಕೈಮಗ್ಗ,ಜವಳಿ, ಕರಕುಶಲ ಉತ್ಪನ್ನಗಳು, ಕೈಗಾರಿಕೋತ್ಪನ್ನಗಳು, ಗೃಹಬಳಕೆ ವಸ್ತುಗಳು, ಪುಸ್ತಕ ಹಾಗೂ ಕಲಾ ಪ್ರದರ್ಶನವಿರುತ್ತದೆ. ಪ್ರೌಢಶಾಲಾ ವಿದ್ಯಾರ್ಥಿಗಳು ತಯಾರಿಸಿದ ಶೈಕ್ಷಣಿಕ ಮಾದರಿಗಳ ಪ್ರದರ್ಶನ, ಆರೋಗ್ಯ ಮತ್ತು ವೈದ್ಯಕೀಯ ಪ್ರದರ್ಶನ ಇರುತ್ತದೆ. ಜಾತ್ರೆಯು ಇಡೀ ಊರಿನ ಹಬ್ಬದಂತೆ ಬದಲಾಗಿ ಹೋಗಿರುತ್ತದೆ.ವಿವಿಧತೆ, ವೈಶಿಷ್ಟ್ಯತೆ ಹಾಗೂ ಎಲ್ಲಾ ಸೊಗಡನ್ನು ಹೊತ್ತು, ತನ್ನದೇ ಶೈಲಿಯಲ್ಲಿ ರಾರಾಜಿಸುತ್ತಿರುವ ಜಾತ್ರೋತ್ಸವವನ್ನು ಕಾಣಲು ಜನಗಳು ಮುಗಿ ಬೀಳುತ್ತಾರೆ. ಹಲವಾರು ವರ್ಷಗಳಿಂದ ನಡೆದು ಬಂದಿರುವ ಈ ಜಾತ್ರೆ, ಎಲ್ಲರ ಕಣ್ಮನ ಸೆಳೆಯುತ್ತದೆ.
ಧಾರ್ಮಿಕ, ಆಧ್ಯಾತ್ಮಿಕ , ಸಾಮಜಿಕ, ಸಾಂಸ್ಕೃತಿಕ ಕಾಯಕ ದಾಸೋಹಗಳ ಸಂಕೇತವಾಗಿ ಜನಮನಗಳ ಗಮನ ಸೆಳೆದು, ಓಂದ್ದೊಳ್ಳೆ ಶ್ರದ್ಧ ಕೇಂದ್ರವಾಗಿ ಸುತ್ತೂರು ಕ್ಷೇತ್ರ ನಿದರ್ಷನವಾಗಿ ನಿಂತಿದೆ .ಅಷ್ಟೇ ಅಲ್ಲದೆ ಸುಮಾರುಮುನ್ನೂರು ವಿದ್ಯಾಸಂಸ್ಥೆಯನ್ನು ನಡೆಸುತ್ತಿದೆ. ಕರ್ನಾಟಕ, ತಮಿಳುನಾಡು,ಉತ್ತರ ಭಾರತ ಹಾಗು ಹೊರ ದೇಶದಲ್ಲಿಯೂ ಸ್ಥಾಪಿಸಿರುವ ಹೆಗ್ಗಳಿಕೆ ಇವರದಾಗಿದೆ.ಈ ಎಲ್ಲಾ ವಿದ್ಯಾಸಂಸ್ಥೆಯ ವಿದ್ಯಾರ್ಥಿಗಳು ವರ್ಷಕ್ಕೊಮ್ಮೆ ಇರುವ ಈ ಜಾತ್ರೆಯಲ್ಲಿ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮ, ಧಾರ್ಮಿಕ ಕಾರ್ಯಕ್ರಮ, ವಿಶೇಷ  ವಸ್ತು ಪ್ರದರ್ಶನಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳುತ್ತಾರೆ ಎನ್ನುವುದು ವಿಶೇಷವಾದ ಸಂಗತಿ.
ಸಂಹಿತಾ.ಎಸ್.ಮೈಸೂರೆ,
ದ್ವಿತೀಯ ಪತ್ರಿಕೊದ್ಯಮ,
ಎಸ್.ಡಿ.ಎಂ ಕಾಲೇಜು ಉಜಿರೆ.