write up about friendship

                 
               ಭೇಧವಿರದ ಬಾಂಧವ್ಯದ ಬೆಸುಗೆ......

.

    ಈಗಿನ ಕಾಲದಲ್ಲಿ ಪ್ರತಿ ಹೆಜ್ಜೆ ಹೆಜ್ಜೆಗೂ ಪ್ರತಿಯೊಂದು ಕ್ಷೇತ್ರದಲ್ಲೂ ಸ್ಪರ್ಧೆ ಹೆಮ್ಮರವಾಗ್ತಾ ಇದೆ.ಇಂಥಹ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಸ್ಪರ್ಧೆ,ಕೇವಲ ಸ್ಪರ್ಧೆಯಾಗಿ ಉಳಿದಿಲ್ಲ.ನಾನು ಮುಂದೆ ಬರಬೇಕು ಅನ್ನೊ ಸ್ವಾಭಿಮಾನಕ್ಕಿಂತ,ಬೇರೆಯವರನ್ನ ಹೇಗೆ ಹಿಂದೆನೇ ತಳ್ಳಬೇಕು ಅನ್ನೋ ಸ್ವಾರ್ಥ ದಿನದಿಂದ ದಿನಕ್ಕೆ ಹೆಚ್ಚಾಗ್ತಿದೆ.ಇದರಿಂದ ಗೆಳೆತನ,ಹಗೆತನಕ್ಕೆ ತಿರಗ್ತಾ ಇದೆ.ನಮ್ಮ- ನಮ್ಮಲ್ಲಿನ ಸ್ಪರ್ಧೆ "ನನ್ನ" ಜೊತೆಗೆ ಇತರರನ್ನೂ ಬೆಳೆಸ್ಬೇಕೆ ಹೊರತು,ಇಂತಹ ಋಣಾತ್ಮಕ ಸ್ಪರ್ಧೆಯಿಂದ "ನನ್ನವರನ್ನ" ಕಳಕೊಳೊ ಹಾಗೆ ಮಾಡಬಾರದು.
      ಇಲ್ಲೊಂದು ಪುಟ್ಟ ಕಥೆ ಇದೆ. ೪ ಜನ ಬೆಸ್ಟ್ ಫ್ರೆಂಡ್ಸ್‌ಗಳ ತಮ್ಮದೇ ಸುಂದರವಾದ ಪುಟ್ಟ ಜಗತ್ತು. ನಾಲ್ಕೂ ಜನರೂ ತಮ್ಮದೇ ರೀತಿಯಲ್ಲಿ ಭಿನ್ನವಾಗಿದ್ದಾರೆ.ಒಬ್ಬಳು ತುಂಬಾ ಚೆಂದವಾಗಿ ಹಾಡ್ತಾಳೆ. ಡೀಸೆಂಟ್ ಹುಡುಗಿ. ಇನ್ನೊಬ್ಬ ಕಂಪ್ಯೂಟರ್, ಮೊಬೈಲ್‌ಗಳ ಎಲ್ಲಾ ಚಿಠಿಠಿsಗಳನ್ನ ಅರಿದು ಕುಡಿದಿದಾನೆ, ಹಾಗೆನೇ ಅಂದವಾಗಿ ಪೇಂಟಿಂಗ್ ಕೂಡಾ ಮಾಡ್ತಾನೆ.ಈ ಗುಂಪಿನ ಟೆಕ್ನಿಷಿಯನ್.ಅವನೊಬ್ಬ ಇದಾನೆ ಅದ್ಭುತ ಮಾತುಗಾರ, ತುಂಬಾ ತೀಕ್ಷ್ಣವಾಗಿ ಬರಿತಾನೆ. ಕಾಲೇಜಿನ ಬೆಸ್ಟ್ ಡಿಬೇಟರ್. ಮತ್ತೊಬ್ಬಳು ರಾಜಕೀಯ ಚಿಂತಕಿ.ಎಲ್ಲಾ ಪ್ರಸಕ್ತ ಪ್ರಸ್ತುತ ವಿಷಯಗಳು ಅವಳ ಮಸ್ತಕದಲ್ಲಿ ಫೀಡ್ ಆಗಿರತ್ತೆ.
       ವಿಷಯ ಏನಪ್ಪಾ ಅಂದ್ರೆ ಏನೇ ಕಾಂಪಿಟಿಷನ್ ಆದ್ರೂ ಟಫ್ ಫೈಟ್
ಇರೋದು ಈ ನಾಲ್ಕು ಜನರ ಮಧ್ಯದಲ್ಲೇ......sಚರ್ಚಾ ಸ್ಪರ್ಧೆ,ಭಾಷಣ, ಫೋಟೋಗ್ರಫಿ
 ಯಾವುದೇ ವಿಷಯದಲ್ಲೂ ಇವರ ನಡುವೆ ಕಿತ್ತಾಟ ಇದ್ದಿದ್ದೇ. ಸ್ಪರ್ಧೆಯ
ವಿಷಯ ಬಂದಾಗ ಇವರು ತಮ್ಮದೇ ರೀತಿಯಲ್ಲಿ ತಯಾರಾಗಿ, ಮೊದಲನೇ ಬಹುಮಾನ ಯಾರು ತಗೋತಾರೋ ಅನ್ನೋ ಪೈಪೋಟಿಲೂ ಇರ್‍ತಾರೆ.
       ಈ ಗೆಳೆತನದ ವಿಶೇಷತೆ ಅಂದ್ರೆ  ಸ್ಪರ್ಧೆಯನ್ನ ಸ್ಪರ್ಧೆಯಲ್ಲೇ  ಮುಗಿಸಿಬಿಡ್ತಾರೆ.ಆ ವಿಷಯದಲ್ಲಿ ಒಬ್ಬರಿಗೊಬ್ರು ಬಿಟ್ಟುಕೊಡಲ್ಲ,ಆದರೆ ಸ್ಪರ್ಧೆಯನ್ನು
ಅದರಿಂದಾಚೆಗೆ ಗೆಳೆತನದ ಪ್ರೀತಿಯ ಕೊಂಡಿಯೊಳಗೆ ನುಸುಳಿಹೋಗೋಕೆ ಬಿಡಲ್ಲ.ಒಬ್ಬರಿಗೊಬ್ರು ತುಂಬಾ ಸಪೋರ್ಟಿವ್ ಆಗಿರ್‍ತಾರೆ.ಅವನಿಗೆ ಮಾಡೆಲ್ ಮೇಕಿಂಗ್ ಇದೆ ಅಂದ್ರೆ ಇವಳು ತನೆಗೇ ಕಾಂಪಿಟೆಷಿನ್ ಇದೆಯೇನೋ ಅನ್ನೋ ರೀತಿಲೀ ಸಹಾಯ
   ಮಾಡ್ತಾಳೆ.ಮತ್ತೊಬ್ಬಳಿಗೆ ಪ್ರಾಜೆಕ್ಟ್ ಇದೆ ಅಂದ್ರೆ ಅವನು ಪ್ರೀತಿಯಿಂದ      ಮಾಡಿಕೊಡ್ತಾನೆ.ಒಬ್ಬರ  ಕೆಲಸವನ್ನ ಎಲ್ರೂ ಸೇರಿ ಮಾಡ್ತಾರೆ. ಕಾಂಪಿಟೆಷನ್‌ನಲ್ಲಿ ನಾನೇ ಗೆಲ್ಲಬೇಕು ಅಂತಿದ್ರೂ ಕೂಡ ಸ್ಪರ್ಧೆಯ ಬೆಳಗ್ಗೆನ ದಿನ ಬಂದು  ವಿಷಸ್ ಹೇಳ್ಕೊತಾರೆ.     ಪರೀಕ್ಷೆ ಹಿಂದಿನ ದಿನವೂ ಪಾರ್ಟಿ, ಪರೀಕ್ಷೆ ಮುಗಿದ ದಿನನೂ ಪಾರ್ಟಿ.ಸ್ಪರ್ಧೆಯಲ್ಲಿ ಶುದ್ಧ ವೈರಿಗಳು ಅನ್ನೋ ಹಾಗೆ ಭಾಗವಹಿಸಿರ್‍ತಾರೆ,ಅಲ್ಲಿಂದ ಹೊರಗೆ ಬಂದ್ ತಕ್ಷಣ ಅವರಲ್ಲಿ ಯಾರಿಗೇ ಬಹುಮಾನ ಬಂದ್ರೂ ಹುಚ್ಚರ ಹಾಗೆ ಸಂಭ್ರಮಿಸ್ತಾರೆ.ಈ ಗೆಳೆತನದಲ್ಲಿ ನಾನು ಬೆಳೆಯಬೇಕು ಅನ್ನೋ ಛಲ ಇದೆಯೇ ಹೊರತು ಬೇರೆಯವರು ಮೇಲೆಬರಬಾರದು ಅನ್ನೋ ಹೊಟ್ಟೆಕಿಚ್ಚಿಲ್ಲ.
        ಎಷ್ಟೋ ಸ್ನೇಹ,ಪ್ರೀತಿಗಳಲ್ಲಿ ಈ ಕಾಂಪಿಟೆಷನ್  ಅನ್ನೋ "ಅಹಂಕಾರ"ದ ಭೂತ ಸೇರಿಕೊಂಡು,ಮುಕ್ತ ಸಂಬಂಧಗಳನ್ನ ನಾಶಮಾಡಿದೆ.ಜೀವನದಲ್ಲಿ "ಸ್ಪರ್ಧೆ"ಗಳು ಬಹು
ಮುಖ್ಯ ಪಾತ್ರ ವಹಿಸುತ್ತವೆ.ಸ್ಪರ್ಧೆ ಇಲ್ಲದೆ ಬದುಕಿಲ್ಲ.ಹಾಗಂತ ನಾವು ಸ್ಪರ್ಧೆಗಳನ್ನೇ ಜೀವನವಾಗಿಸ್ಕೋಳಕೆ ಸಾಧ್ಯವಿಲ್ಲ.ಸ್ಪರ್ಧೆಗಳು ಆರೋಗ್ಯಕರವಾಗಿರಲಿ,ಧನಾತ್ಮಕವಾಗಿರಲಿ,ಹಾಗೆಯೇ
ನಮ್ಮನ್ನ ಬೆಳವಣಿಗೆಯತ್ತ ಕೊಂಡೊಯ್ಯಲಿ.......

ಲಾವಣ್ಯ ಎನ್.ಕೆ.
ತೃತೀಯ ಬಿ.ಎ